Edhe sot e gjithmonë edukimi i brezave mbetet mision i shenjtë dhe prandaj të vazhdojmë me angazhime të shtuara për arritje të reja e për ngritje të vazhdueshme të cilësisë.

Kështu thuhet në urimin e  Sindiakatës së Bashkuar për Arsim, Shkencë dhe Kulturë (SBASHK), me rastin e Ditës së Mësuesit, 7 marsi.

Në urimin e SBASHK drejtuar kolegëve  ndër të tjerash thuhet se dita e mësuesit dhe shkollës shqipe është një datë e shënuar dhe na obligon që të lartësojmë kujtimin për gjithë mësuesit e kombit tonë që nga shkolla e parë shqipe e deri më sot.

“Lartësojmë kujtimin për  pishtarët e parë të dijes , për mësuesin dhe dëshmorin e kombit Shaban  Jashari dhe mësuesit e atdhetarët tjerë që e mbrojtën arsimin shqip dhe mbajtën të gjallë shpresën për lirinë e atdheut.   Edhe sot e gjithmonë edukimi  i brezave mbetet  mision i shenjtë dhe prandaj të vazhdojmë me angazhime të shtuara për arritje të reja e për ngritje të vazhdueshme të cilësisë”, thekson  SBASHK.

SBASHK-u në fund ka premtuar se do të vazhdojë me angazhimet për të qenë  vazhdimisht në shërbimin e mësimdhënësve  dhe në mbrojtje të kërkesave të drejta.

“Besojmë shumë se edhe kërkesa juaj e madhe lidhur me Ligjin për statusin e punëtorëve të arsimit shqip të Republikës së Kosovës për vitet e 90-ta do të shkojë së shpejti  në Qeveri dhe Parlament dhe ju do të gëzoni statusin e personit të merituar për shtetësinë e Kosovës. Gëzuar festën e madhe të  mësuesit dhe shkollës shqipe”, thuhet në fund të urimit.